ನ್ಯೂಯಾರ್ಕ್‌ : ಫಿಫಾ ವಿಶ್ವಕಪ್ ಕ್ವಾರ್ಟರ್ ಫೈನಲ್‌ನಲ್ಲಿ ಫ್ರಾನ್ಸ್‌ ಎದುರು ಮೊರಾಕ್ಕೊ ಸೋತಿದ್ದಕ್ಕೆ ನಟಿ ನೋರಾ ಫತೇಹಿ ಭಾವುಕರಾಗಿ ಕಣ್ಣೀರಿಟ್ಟಿರುವ, ದೃಶ್ಯದ ವೀಡಿಯೋವೊಂದು ವೈರಲ್‌ ಆಗಿದೆ. ಪಂದ್ಯದ ವೇಳೆ ಕೆಂಪು ಜೆರ್ಸಿ ಧರಿಸಿ ತಂಡವನ್ನು ಹುರಿದುಂಬಿಸುತ್ತಿದ್ದ ನೋರಾ ಫತೇಹಿ, ಸೋಲಿನ ಬಳಿಕ ಕಣ್ಣೀರಿಟ್ಟಿದ್ದಾರೆ. ಆಗ ಸ್ನೇಹಿತ ನಟಿಯನ್ನು ಸಮಾಧಾನಪಡಿಸುತ್ತಿರುವ ದೃಶ್ಯ ವೀಡಿಯೋದಲ್ಲಿದೆ.
ನೋರಾ ಫತೇಹಿ ಫಿಫಾ ಜೊತೆ ನಿಕಟ ಸಂಬಂಧ ಹೊಂದಿದ್ದಾರೆ. ಈ ವರ್ಷದ ಆರಂಭದಲ್ಲಿ ಅವರು ವಿಶ್ವಕಪ್ 2026 ರ ಆಲ್ಬಂನ ಭಾಗವಾಗಿರುವ ತಮ್ಮ ಸಿಯರ್ ಸಿಯರ್ ಹಾಡಿನೊಂದಿಗೆ ಉದ್ಘಾಟನಾ ಸಮಾರಂಭದಲ್ಲಿ ಪ್ರದರ್ಶನ ನೀಡಿದರು. ಫ್ರೆಂಚ್ ಗಾಯಕ ವೆಗೆಡ್ರೀಮ್ ಮತ್ತು ಸಂಗೀತ ನಿರ್ಮಾಪಕ ಸನ್‌ಜಾಯ್ ಅವರ ಸಹಯೋಗದೊಂದಿಗೆ ರಚಿಸಲಾದ ಈ ಟ್ರ್ಯಾಕ್ ಜೂನ್ 8 ರಂದು ಬಿಡುಗಡೆಯಾಯಿತು. 5.8 ಕೋಟಿಗಿಂತಲೂ ಹೆಚ್ಚು ವೀಕ್ಷಣೆ ಪಡೆದುಕೊಂಡಿದೆ.
ನೋರಾ ಫತೇಹಿ ಇತ್ತೀಚೆಗೆ ಡಲ್ಲಾಸ್‌ನಲ್ಲಿ ಅಪಾರ ಪ್ರೀತಿಯನ್ನು ಪಡೆದ ಬಗ್ಗೆ ಮತ್ತು ಮೊರಾಕ್ಕೊವನ್ನು ಬೆಂಬಲಿಸುವ ಭಾರತೀಯ ಅಭಿಮಾನಿಗಳು ಹೇಗೆ ಭಾವುಕರಾದರು ಎಂಬುದರ ಬಗ್ಗೆ ಮಾತನಾಡಿದ್ದಾರೆ. ನೋರಾ ವಂಶಾವಳಿಯ ಬೇರು ಮೊರೊಕ್ಕೊದಲ್ಲಿದೆ. ಆದರೆ, ನಟಿ ಕೆನಡಾದಲ್ಲಿ ಬೆಳೆದು ಈಗ ಭಾರತದಲ್ಲಿ ನೆಲೆಸಿದ್ದಾರೆ. ಎರಡೂ ದೇಶಗಳ ಮೇಲಿನ ತನ್ನ ಪ್ರೀತಿಯ ಬಗ್ಗೆ ಯಾವಾಗಲೂ ಧ್ವನಿ ಎತ್ತಿದ್ದಾರೆ. ಇದನ್ನೂ ಓದಿ : ಮಲಬದ್ಧತೆ ಸಮಸ್ಯೆ ಇದ್ದರೆ, ವಾಲ್ನಟ್ ತಿನ್ನಿವುದರಿಂದ ದೇಹಕ್ಕ್ ಒಳ್ಳೆಯದು..!